Kombinga Yetu

Aakwashilipaleki

Ministry of Works and Transport: Uuminsteli wiilonga niienditho

Oshikondo shuuministeli wiilonga niiyenditho owuna oshinakugwanithwa sho ku tula miilonga nokutonatela oompango nomalandulathano gepangelo pashikondo shawo. Uuministeli owo tuu mbuka ouna oshinakugwanithwa sha shewa, oku tulapo omatungo nomahala giiyenditho moshilongo.

Uuministeli mokupitila moshikondo shiiyenditho, owu uviteko esimano yoshinakugwanithwa shoku tula po omilandu dhokutonatela iiyenditho moshilongo, opo uuna ooProjeka ngaashi yo T4P dhi longe nuupu.

Ministry of Urban and Rural Development

Uuministeli watumbulwa owuna oshikugwanithwa shoku wilika iinyangadhalwa yepangelo lyoshilongo oku humitha komeho oonkalo dhaakwashigwana kiitopolwa yokuushayi. Uuministeli owo tuuu mbuka owuna oshilonga shoku tula po omilandu dhokutonatela, noku eta omayakulo gepangelo kiitopolwa yi ili popepi naakwashigwana.

Omalanduathano nomathankeo agehe ta ga ka ningwa miitopolwa ine, Ohangwena, Omusati, Oshana, Oshikoto ota ga ka kala oshinakugwanithwa shuuministeli owo tuu mbuka.

Ehangano lyo GIZ :Deutsche Gesellschaft für Internationale Zusammenarbeit (GIZ)

Namibia okuli ta kwathelwa kepangelo lyaNdowishi moku humitha komeho oshikondo shiiyenditho. Oshikonga shokuhumitha komeho oshikondo shiiyenditho osha tamekelwe momumvo 2004, nokwa thanekwa tashi kala miilloonga sigo omu Novemba omumnvo 2016.

Oprojeka oyo tuu ndjika oya etwa po noya tulwa miilonga melongelokumwe nehangano tali kalele po epanngelo lya Ndowishi mo Namibia, GIZ, pamwe nuuministeli wiilonga niiyenditho mepangelo lya Namibia.

Enenedhiladhilo lyoProjeka yoludhi nduka “Ehumitho komeho lyoshikondo shiiyenditho moNamibia, momukalo tagu kalelele, nogwa dhiladhilwa nawa, mwa kwatelwa edheulo lyaamboka taya tonatele oprojeka oyo tu ndjika” Enenedhiladhilo ndika otali ka gwanithwa po owala uuna iitopolwa yi ili yooprojeka ndjika dha tulwa miilonga. Yimwe yomiitopolwa mbika oyo: ekwatakanitho lyoshikondo shiienditho noopata, pamwe niiputudhilo yopo mbanda moshilongo, oPolytechnic ya Namibia, noUniversity ya Namibia. Oshitopolwa oshikwawo o shikonga sho Move Windhoek shoka sha tumbulwa nale metetekelo. Etalululo lyiizemo ya nyanyangidhwa mehokololoningomwa lyiigongi yaayehe yaningilwa miitopolwa ine iinene monooli, ayihe mbika iitopolwa yapumbiwa menenedhiladhilo lyoku tula po omulandu gwoprojeka ndjika.

 

Ehanganno lyepangelo lya Ndowishi lyo GIZ olina owino mooprojeka dhehumitho komeho lyiikondo yiienditho, yoomvula odhindji, unene tuu iiyenditho yomomahala gomoondolopa. Dhimwe dhomooprojeka dho GIZ dhi li miilonga monanena, omwa kwatelwa ooprojeka miilongo ngaashi, China, Ukraine nosho wo Vietnam

Menevi lya Afrika, ehangano lyo GIZ oli li tali longo mooprojeka ngaashi o BRT Rea Vaya moshilando shaJohnneburg sha South Afrika. Olina wo ooprojeka dhokutonatela omilandu dhiiyenditho miilando yomiilongo yokuuilo wa Afrika. Kakele komalongelokumwe niilongo yi ili noyi ili, ehangano lyoGIZ olya nduluka po oshinyanyangidhwa, tashi itanwa Melaka lyoshiingilisa :“Sustainable Transport: A Sourcebook for Policy-makers in Developing Cities” Oshinyanyangidhwa shika osha kwatela mo iitopolwa ngaashi iiyenditho modoolopa, omilandu dhiienditho , yaa he shi iihauto, oompumbwe dhiiyenditho yaayehe miitopolwa yi ili, nosho wo ekwatelopo lyiiniwe yoku gwanitha ooprojeka dholudhi nduka. Oshinyanyagidhwa shika nuuyelele uukwawo wa gwedhwa po oktau vulu oku adhika ko intenet kondjukithi : www.sutp.org.

 

Omalelo gopaitopolwa noshowo goondoolopa.

Iinikugwnithwa yoomalelo gokiitopolwa oyi li mekotampango lyoshilongo :Regional Councils Act (Act 22 of 1992). Miinakugwanithwa mbika omwa kwatelwa esiloshimpwiyu nehumitho komeho lyomahala agehe geli kohi yelelo lyawo. Omalelo ogo tuu ngaka ogena oshinakugwanithwa okugwedhela po epangelo lyoshilongo mokuhumitha oonkalo dhaakwashigwana komeho.

Omalelelo mwa kwatelwa goondolopa nomikunda, ogena iinakugwanithwa ya faathana naambyoka yomalelo giitopolwa nookansela. moshikondo shiienditho ayehe oyena oshinakugwanithwa okuhepopaleka oondjila dha kwatakanitha oodolopa nomikunda. Shika osha kwatelwa momilandu dha thanekelwa o projeka yo T4P. Muka omwa kwatelwa wo esiloshimpwiyu lyaayendi yokoompadhi.

Omalelo giitopolwa nomikunda ga kwatelwa moshikonga sho Projeka ndjika ongaashi:

 

Ohangwena Regional Council
Elelo lyoshtipolwa sha Ohangwena

 

Eenhana Town Council
Elelo lyondoolopa Eenhana

 

Helao Nafidi Town Council
Elelo lyaHelao Nafidi

 

Oshana Regional Council
Elelo lyshitopolwa shOshana

 

Ondangwa Town Council
Elelo lyodoolopa yaNdangwa

 

Ongwediva Town Council
Elelo lyodoolopa yOngwediva

 

Oshakati Town Council
Elelo lyodoolopa yaShakati

 

Oshikoto Regional Council
Elelo lyshitopolwa shOshikoto
Omuthiya Town Council
Elelelo lyodoolopa yaMuthiya
Outapi Town Council
Elelelo lyodoolopa yUutapi

 

Tsumeb Municipality
Eleleo lya Muni gwaShomeya
Omusati Regional Council
Elelo lyoshitopolwa shaMusati

 

Okahao Town Council
Elelo lyodoolopa yaKahao

 

Oshikuku Town Council
Elelo lyodoolopa yaShikuku

 

Ruacana Town Council
Elelo lyodoolopa yaRuacana 

Aakwashilipaleki yalwe

KfW

oKfW ehangano tali longele kumwe noshikondo shoopate mu Namibia. Iiyenditho oyo oshinima sha simana ngele tashi ya melongelokumwe lya Namibia nepangelo lya Ndowishi okuza momumvo 1993. KfW momena oyina oshinakugwanithwa shokuyambidhidha noshipambu shoshimaliwa okulonga oopate unene tuu momahala geli kondje yodoolopa, moNooli yoshilongo. KfW oyina wo oshimpwiyu mooprojeka dhomudhingoloko, nosho wo dhokukeelela efundja.

oMotor Vehicle Accident Fund (MVAF)

Ehangano lyo MVA olina oshinakugwanithwa okukwathela aakwashigwana mboka ya hupa miiponga yomoondjila. Ehangano ndika ohali mono iiyemo okuza miishoshela hayi futwa komahooli. Elalakano lyo MVA okukwathela aakwashigwana ya hupa miiponga naakwanezimo yawo.

Ehangano lyuupale woondhila moshilongo: Namibia Airport Company (NAC)

Ehangano lyo NAC ohali gandja omakwathelo agehe ga pumbiwa puupale woondhila moshilongo. Mwa kwatelwa oondhila tadhi ya mo nokuza kiilongo yokondje. oNAC oyo hayi sile oshimpwiyu okapale okanene kopashigwana ko Hosea Kutako.

Ehangano lyoobesa nuutaxi lya Namibia (NABTA)

oNABTA ehangano lyowina lya totwa po kooyene yootaxi naagandji yiilonga moshikondo shiiyenditho moshilongo. oNABTA olyo alike ehangano lya unganekwa kooyene yiiyenditho yaayehe moshilongo.

Opolisi ya Namibia

oPolisi ya Namibia oyina oshikondo shoku tonatela noku kwatela po oompango dhomoondjila moshilongo. Oshikondo shika oshina iikandjo miitopolwa ayihe 13 yoshilongo, ayihe kumwe iikandjo mbika oyi li omilongo mbali nahamano (26). Oshikondo shika oshina oshinakugwanithwa shoku kwatela po ekotampango pakatendo: the Road Traffic and Transportation Act (Act. 22 of 1999) and Road Traffic Act (Act. 74 of 1977). Okupatolola, okuholokela noku kwathela aakwashigwana uuna iiponga yomoondjila ya holoka, okukalekapo oompango, noshowo oku utha omageelo ku mboka ta ya taguluka ompango yomoondjila.

Ehanagano lyo Namibia Tourist Board (NTB)

NTB ehangano ndyoka li na oshinakugwanithwa oku eta pamwe aadhaninkandangala yopaumwene, nepangelo, oku pititha omulandu gwoshilongo moshikondo shomatalelopo nomapshiyono moshilongo. Elalakano lyo NTB okuhiya aaendanandjila ya talelepo Namibia, okuza meni lyoshilongo, nokondje yoshilongo.

Ehangano lyIipindi niikwafabulika oNCCI

oNCCI ehangano lyi li le po okuhumitha komeho nokukalela po oongeshefa moshilongo. oNCCI ehangano lyi ithikamena po lyo lyene, nonkee ohali vulu okutotha mo omainda taga taalela oongeshefa miitopolwa yi ili noku ili moshilongo. Noha li si oshimpwiyu opo ga kandulwe po meendelelo.

Ehangano lyaagandji yiilonga moNamibia, NEF

oNEF oyo ehanangano enene tali kalele po aagandji yiilonga moshilongo. Ekotampango lyo NEF olya kwatela mo etonatelo lyoompango dhiilonga moshigwana, Elalakano oku kaleka po ekwathano ewanawa miipambele yiilonga opo onkalo yilonga moshilongo yi kale nawa.

Ongonga yegameno lyomoondjila: National Road Safety Council (NRSC)

oNRSC oshikandjo sha totwa po kuuministeli wiilonga niiyenditho, okutonatela noku humitha komeho elongitho nawa lyoondjila okupitila momapekapeko, egongelo lyomauyelele kombinga yomaigameno moondjila, noshowo endungiko lyoshigwana kombinga yiipambele yomoondjila.

oRoads Authority (RA)

oRoads Authority ehangano lyepangelo tali tonatele omakawatathatno goondjila noopate moshilongo. Enenedhiladhilo lyo RA okuthaneka nokutonatela e etepo lyoondjila oompe noonkulu tadhi kwatakanitha iitopolwa yi ili moshilongo. oRA ohayi ikundu wo nadhaninkandangala yi ili noku ili metotepo lyoondjila.

TransNamib Holdings

Ehangano lyoTransNamib Holding ehangano lyepangelo, tali tonatele iiyenditho yokoopate nosho wo omashina gokolutenda. TransNamib oha longitha oopate nomashina gokolutenda, okufelefula oondongelwa dhi ili noku ili okuza moshilongo nokuya kiitopolwa yi ili moSADC. oTransNamib ohayi felefula wo aakwashigwana nomashina gokolutenda.

oWalvis Bay Corridor Group (WBCG)

Walvis Bay Corridor Group ehangano lya totwa po komahangano gopaumwene, naangoka gepangelo. Elalakano okuhumitha omakwatathano gopangeshefa komunkulofuta gwa Mbaye Momalalakano ngaka omwa kwatelwa ehumitho komeho nokutunga oPort ya Mbaye opo ku vulike okulonigthwa oondjila adhihe dhiienditho, oku eta nokufala oondongelwa okuza komunkulofuta, okufala kiilongo yi ili moshitopolwa sha SADC, unene tuu mbyoka yaa hena ominkulofuta.